AQSh-ta sot otyrys barysynda telefony qońyraý soǵa bastaǵan sýdıa óz-ózine aıyppul saldy
ASTANA. 15 sáýir. QazAqparat - Mıchıgan shtatynyń Ionııa okrýginiń sýdıasy Raımond Voýt tyńdaýlar barysynda onyń uıaly telefony qońyraý soǵa bastaǵany úshin óz-ózine aıyppul saldy.
Bul týraly Sentinel-Standard jergilikti basylymy habarlady.
Málim etilgendeı, isterdiń biri boıynsha ótip jatqan sot otyrysynda prokýrordyń sóz sóıleýi barysynda sýdıanyń smartfonynda dybystyq qońyraý shalý boıynsha qatty daýys fýnktsııasy kenetten qosylyp ketken. Smartfondy taıaýda ǵana satyp alǵan jáne ony basqarýdy tolyq meńgerip úlgermegen R.Voýt dybysty birshama ýaqyt óshire almady, saldarynan sot otyrysynda kidiris boldy.
Óziniń sýdıalyq mansabynda sot zalynda telefondary soqqan adamdarǵa qatań qarap kelgen Voýt, sotqa qurmetsizdigi úshin óz-ózine aıyppul salý sheshimin qabyldady. 25 dollar kólemindegi aıyppuldy ol kóp sozbaı kassaǵa baryp tóledi.
