AQSh-ta sot ánshi Krıs Braýndy bir jylǵa sottaýǵa úkim shyǵardy
ASTANA. QazAqparat - Kalıfornııalyq sot juma kúni ánshi Krıs Braýndy synaq merziminiń sharttaryn buzǵany úshin bir jylǵa túrmege qamaý týraly úkim shyǵardy, dep jazady ITAR TASS.
Ánshi 14 naýryzda agressııa ustamasynan májbúrli em alyp jatqan Malıbýdaǵy (Kalıfornııa shtaty) reabılıtatsııalyq ortalyqtan ruqsatsyz qashyp ketkendigine baılanysty tutqyndalǵan. Budan basqa, Braýn medbıkelerdiń birin shyntaǵynan tartyp, qanynda tyıym salynǵan preparattardyń bar-joqtyǵyna taldaý jasatýdan bas tartqan dep habarlandy. Osynyń bári ánshiniń túrmege qaıta kelýine negiz boldy.
Mýzykantqa qarsy qylmystyq is 2009 jyly qozǵalǵan, ony Los-Andjeles soty belgili ánshi, óziniń burynǵy qurbysy Rıannany soqqyǵa jyqqany úshin bes jylǵa túrmege jatqyzýǵa jáne alty aı túzeý jumystaryn oryndaýǵa úkim shyǵarǵan. Sodan keıin ánshi «otbasylyq janjalǵa» beıim adamdarǵa arnalǵan saýyqtyrý kýrsyn alǵan bolatyn.
2013 jylǵy qazanda Braýndy Aq úıge jaqyn jerde tóbeleske deıin barǵan janjalǵa qatysqany úshin tutqyndalǵan. Dál osy jaǵdaı onyń Malıbýdegi arnaıy medıtsınalyq mekemede úsh aılyq em qabyldaýyna sebep bolǵan.
