AQSh-ta sońǵy 30 jylda bolmaǵan daýyl: 1 mln adam evakýatsııalanbaq
ASTANA. QazAqparat - Ońtústik jáne Soltústik Karolınaǵa "Florens" atty alapat daýyl jaqyndap keledi. Qaýipti aımaqta tótenshe jaǵdaı jarııalanyp, 187 mıl qashyqtyqtaǵy jaǵalaý aımaǵynda evakýatsııa júrgizilip jatyr, dep habarlaıdy QazAqparat bbc.com saıtyna silteme jasap.
«Florens» sońǵy onjyldyqtaǵy eń surapyl daýyl bolýy múmkin degen qaýip bar.
Mıllıon adamdy, sonyń ishinde turǵyndardy, qyzmetshiler men týrısterdi evakýatsııalaý qajet. Daýyldyń kúshi bes baldyq shkala boıynsha tórt balmen baǵalanýda.
"Florens" osy óńirde sońǵy 30 jylda bolmaǵan asa qaýipti daýyl bolýy múmkin.
Mundaı kúshtegi daýyl bul óńirde sońǵy ret 1989 jyly bolǵan edi. Tórtinshi dárejege jetken "Hıýgo" daýyly Soltústik Karolınany oırandap, 7 mlrd dollar zalal keltirgen. 49 adam daýyldyń qurbany boldy.
Taǵy bir kezeńsiz jaǵdaı, buǵan qosa jaǵalaýdaǵy jáne ishki óńirlerge tolassyz jańbyr jaýyp, sý tasqyny bolýy múmkin.
