AQSh-ta sınagogada bolǵan atysta segiz adam qaza tapty
ASTANA. QazAqparat - AQSh-tyń Pensılvanııa shtatyndaǵy Pıttsbýrg qalasynda atys boldy, dep habarlaıdy QazAqparat Bı-Bı-Sı agenttigine silteme jasap.
Jergiliktiń BAQ-tyń málimetinshe segiz adam qaza tapqan. Oq atqan adam polıtsııaǵa berilgen.
Oqys oqıǵa týraly Pıttsbýrg polıtsııasy Týıtterdegi paraqshasynda jarııa etken. Atys Ýılkıns pen Sheıdı kóshesine jaqyn tusta «Ómir aǵashy» sınagogasynda bolǵan.
KDKA radıosynyń málimetinshe, aq násildi adam sınagogaǵa kelip, aıǵaılap antısemıttik sózder aıtqan, sosyn baryp sol mańdaǵylarǵa qarata oq jaýdyrǵan.
Sol jerge polıtsııa kelip arada atys bolǵan. Úsh polıtsııa jaraqat alǵan.
Oqıǵaǵa qatysty AQSh prezıdenti Donald Tramp ta pikir bildirdi.
«Pıttsbýrgtegi oqıǵany nazarda ustap otyrmyn. Quqyq qorǵaý organdary sol jerge bardy. Skvırel-hıll aýdanyndaǵy adamdar úılerinen shyqpaǵany jón. Myltyq atqan adamnan saqtanyńdar. Qudaıym jar bolsyn!» - dep jazdy ol Týıtterdegi paraqshasynda.
