AQSh-ta shetel azamattaryna qandaı vızalar beriledi
ASTANA. KAZINFORM – Tramp bılikke kele sala AQSh-ta jumys isteýge ruqsat beretin mıgratsııalyq qosymshanyń jumysyn toqtatty. Osy rette Qazaqstan Elshiligi AQSh-ta ornalasqan qazaqstandyqtarǵa úndeý joldady. Kazinform menshikti tilshisi AQSh-ta qandaı vızamen turýǵa bolatyn zerdelep kórdi.
AQSh zańnamasy AQSh-qa kirý úshin keń klassıfıkatsııasy bar ımmıgratsııalyq jáne ımmıgratsııalyq emes vızalardy qarastyrady.
Immıgratsııalyq vızalarǵa mynalar kiredi:
EB-1A vızasy — ǵylym, bıznes, óner, tehnologııa, bilim jáne jeńil atletıka salalarynda erekshe daǵdylary bar adamdarǵa arnalǵan AQSh-tyń jasyl kartasy.
Úmitker óziniń kásibı salasynda úzdik adamdardan turatyn elıtalyq topqa jatatynyn tanytýy kerek. Jetkilikti dálelderge mynalar jatady: Nobel syılyǵy, Pýlıttser syılyǵy, «Oskar» syılyǵy nemese Olımpıadanyń altyn medali, sondaı-aq basqa jetistikter (erekshe jetistikter úshin ulttyq nemese halyqaralyq syılyq alý, kásibı nemese tanymal salalyq jýrnaldarda nemese iri BAQ-ta jetistikterin jarııalaý, atqarýshy ónerde kommertsııalyq tabysqa jetý jáne t. b.).
EB-1 °C vızasy — halyqaralyq menedjerler men basshylarǵa arnalǵan AQSh-tyń jasyl kartasy. Qoıylatyn talap — AQSh jumys berýshisi «basqarýshy» nemese «menedjerdi» jaldaýǵa nıet bildirýi kerek.
EB-2 vızasy — arnaıy biliktiligi nemese qabileti bar adamdarǵa arnalǵan AQSh-tyń jasyl kartasy jáne ol eki túrde qoljetimdi:
Birinshi sanatqa ádette magıstr nemese bakalavr dárejesin jáne bes jyldyq jumys tájirıbesin talap etetin kásipterde jumys isteıtin tulǵalar jatady.
Ekinshi sanat ǵylym, bıznes nemese ónerde erekshe qabileti bar tulǵalardy qamtıdy. EB-1A vızasynan aıyrmashylyǵy, ol bilim berý jáne jeńil atletıka salalaryndaǵy jumysshylarǵa qatysty qoldanylmaıdy.
EB-3 vızasy — negizgi kásiptik bilimi bar adamdarǵa arnalǵan AQSh-tyń jasyl kartasy. Bul vıza sanaty EB-1 nemese EB-2 vızasynyń talaptaryna sáıkes kelmeıtinderge, mysaly, ýnıversıtet dárejesin nemese erekshe qabilettilikti dáleldeı almaıtyndarǵa arnalǵan.
EB-3 vızasy kásibı jumysshylarǵa (EB-3A), bilikti jumysshylarǵa (EB-3B) jáne biliktiligi joq jumysshylarǵa (EB-3B) berilýi múmkin.
EB-1 jáne EB-2-den aıyrmashylyǵy, EB-3 vızalaryn alý úshin ádette kvotalarǵa qaraǵanda kóbirek ótinish beriledi, bul birneshe jylǵa sozylatyn uzaq kútý kezeńderin týdyrady.
EB-5 vızasy — ınvestorlarǵa arnalǵan jasyl karta. AQSh-qa 1,05 mln dollar kóleminde ınvestıtsııa salý arqyly ımmıgratsııalyq vıza alǵysy keletinder úshin tamasha nusqa. 800 myń dollar ınvestıtsııalaýǵa bolady, biraq qarajat aýyl sharýashylyǵyna nemese jqmyssyzdyq deńgeıi joǵary segmentke ınvestıtsııalanady.
IR-1/CR-1 vızasy — bul AQSh azamatymen nekede bolǵan jaǵdaıda erli-zaıyptylarǵa beriletin jasyl karta.
Immıgratsııalyq emes vızalar AQSh-ta birneshe aı nemese jyl boıy qysqa merzimdi bolý úshin beriledi:
* «A» — shetel úkimetteriniń dıplomattary men sheneýnikterine arnalǵan vıza.
* «V» — kelýshiler úshin (týrıster, isker saıahatshylar) beriletin vıza. Іskerlik maqsattar úshin B1, al týrıstik saparlar nemese medıtsınalyq kómek alý úshin B2 vızasy beriledi. Merzimi — 1 jyldan 10 jylǵa deıin.
* «S» — tranzıttik vıza (keme nemese áýe kemesiniń ekıpaj músheleri úshin).
Eger keme AQSh nemese onyń áýe keńistigi arqyly tranzıtpen ótetin bolsa, áýe jáne teńiz kemeleriniń ekıpajy ımmıgratsııalyq emes «C-1/D» aralas vızalaryn alady. Eger ekıpaj múshesi AQSh-qa saıahat nemese reıster arasynda kirýi kerek bolsa, ol «B-1/B-2» vızasyn alady.
* «D» — (krýızdik) kemeniń nemese áýe kemesiniń ekıpaj múshelerine arnalǵan.
* «E» — AQSh-pen ekijaqty saýda kelisimderi bar eldermen kelisimshart jasasqan ınvestorlar men treıderlerge beriledi.
* «F» — ýnıversıtet, konservatorııa, lıtseı oqýshylary men stýdentterine, sondaı-aq til kýrstaryna qatysýshylarǵa arnalǵan vıza. Merzimi oqý uzaqtyǵyna baılanysty, 2 jyldan 4 jylǵa deıin. «F-1» vızasy oqýdy aıaqtaǵannan keıin 12 aıǵa deıin taǵylymdamadan ótýge múmkindik beredi.
* «G» — halyqaralyq uıymdardyń (mysaly, BUU) múshelerine, shetel úkimetteriniń sheneýnikterine arnalǵan vıza.
* «H» — ýaqytsha jumysshylarǵa arnalǵan vıza. Eń kóp taralǵan jumys vızasy — «H1B», ol sheteldik azamattyń Qurama Shtattarda oryndaýdy josparlap otyrǵan mamandyq boıynsha joǵary bilimi bar adamǵa beriledi.
* «І» — jýrnalıster men BAQ ókilderine arnalǵan vıza. 5 jylǵa deıingi merzimge beriledi.
* «J» — almasý baǵdarlamasyna qatysýshylar úshin (oqýshylar, stýdentter, taǵylymgerler jáne t. b.). Merzimi — 1 jyl.
* «K» — AQSh azamattarynyń qalyńdyqtary nemese jubaılaryna beriletin vıza.
* «L» — kompanııa ishinde aýystyrylǵan qyzmetkerler úshin (basshylar, menedjerler, jumysshylar). «L-1» tek basshylyq laýazymdardy atqaratyn nemese óz salasynda arnaıy bilimi bar mamandarǵa ǵana beriledi. Aýystyrý sol uıymnyń ishinde júzege asyrylady.
* «M» — akademııalyq emes oqý baǵdarlamalarynyń taǵylymgerlerine/stýdentterine (kásibı daıyndyq) arnalǵan vıza.
* «N» — jasyl kartanyń keıbir ıeleriniń ata-analary men balalaryna arnalǵan.
* «O» — erekshe qabileti nemese jetistikteri bar adamdarǵa (sportshylar, sýretshiler, ǵalymdar, kásipkerler jáne t. b.) arnalǵan vıza.
* «P» — topta óner kórsetetin erekshe qabileti bar adamdarǵa (orkestr músheleri, tsırk ártisteri, sportshylar) arnalǵan.
* «Q» — mádenı almasý baǵdarlamalaryna qatysýshylarǵa arnalǵan vıza.
• «R» — moıyndalǵan dinı qaýymdastyqtyń dinı qaıratkerlerine arnalǵan vıza.
* «S» — uıymdar nemese kompanııalardaǵy qylmystyq áreket týraly belgili bir bilimi bar adamdarǵa (kýágerlerge) beriledi.
* «T» — adam saýdasynyń qurbandaryna beriletin vıza.
* «U» — psıhıkalyq nemese fızıkalyq zorlyq-zombylyqqa ushyraǵan qylmystardyń qurbandaryna beriletin vıza.
* «V» — jasyl karta ıeleriniń jubaılary men balalaryna beriledi.
Buǵan deıin AQSh-ta respýblıkalyq partııadaǵy kelispeýshilik kúsheıip jatqan tusta jańadan saılanǵan prezıdent Donald Tramp jumys vızasyn qoldaǵanyn jazǵan bolatynbyz.