AQSh-ta sheneýnik turaqqa qoıý avtomattarynan 450 myń dollar urlaǵan
ASTANA. QazAqparat - Amerıkanyń Rıdjvýd qalasy ákimshiliginiń burynǵy sheneýnigi Tomas Rıka sársenbi kúni ótken sot otyrysynda jergilikti bıýdjetten 450 myń dollar qarjyny jymqyrǵanyn moıyndady.
Atalǵan somany ol 25 tsenttik monetalarmen urlap otyrǵan.
Qalany abattandyrý jumystaryna baqylaý júrgizý mindeti artylǵan 43 jastaǵy Rıka 2013 jyldyń qańtarynda jumysynan bosatylǵan.
Tergeý barysy Rıkanyń alaıaqtyqpen eki jyl kóleminde aınalysyp kelgenin kórsetti. Osy ýaqyt aralyǵynda ol jalpy alǵanda, 460 myń dollar bolatyn 1,8 mln monetany jymqyrǵan. Tergeýshilerdiń habarlaýynsha, eks-sheneýniktiń qoımaǵa kirý quqyǵy bolmaǵan, alaıda ol jolyn taýyp báribir sol jerge baryp, qaltasyn monetaǵa toltyryp shyǵyp otyrǵan, dep habarlady ITAR-TASS.
