AQSh-ta shekarashylar oq atyp, eki adam jaralandy

ASTANA. KAZINFORM — Oregon shtatynyń Portlend qalasynda AQSh-tyń keden jáne shekara qyzmetkerleri oq atyp, eki adam jaralandy. Bul týraly Report agenttigi jazdy.

Aqparatty Federaldy tergeý bıýrosynyń (FBR) jergilikti keńsesi áleýmettik jelide taratty.

— Portlendtegi FBR shamamen 14:15 bolǵan atys oqıǵasyn tergep jatyr. Oqıǵaǵa keden jáne shekara qyzmetiniń qyzmetkerleri tartylyp, eki adam jaralandy, — dep habarlady basylym.

Eske sala keteıik, Mınneapolıste ımmıgratsııalyq qyzmetker AQSh azamatshasyn atyp óltirdi. Saldarynan shtatta narazylyq aktsııalary bastaldy. 

Amerıkalyq bılik ókilderiniń aıtýynsha, áıel óz kóligimen ICE qyzmetkerin qaǵyp ketpek bolǵan. Alaıda jergilikti bılik oqıǵanyń beınejazbasyna súıene otyryp, bul nusqany úzildi-kesildi joqqa shyǵardy.