AQSh-ta shalbaryna tasbaqa salyp ótken adam 5 jylǵa sottaldy
ASTANA. QazAqparat - Ulty qytaı Kanada azamaty AQSh-ta tasbaqany zańsyz alyp ótpek bolǵany úshin 5 jylǵa sottaldy, dep habarlaıdy Bı-Bı-Sı agenttigi.
2014 jyly Kaı Sıýıdi kanadalyq shekarashylar ustaǵan, sebebi onyń shalbarynan jasyrylǵan 51 tiri tasbaqa tabylǵan.
Ol tasbaqa satyp alý úshin Mıchıganǵa kóp baratyn bolǵan. Ol jerden tasbaqa satyp alyp Qytaıǵa jóneltip kelgen. Qytaıda qosmekendi úı janýary retinde ustalady. Osylaısha ol kontrabandalyq jolmen myńdaǵan tasbaqany shekaradan ótkizgen.
Kaı Sıýıdiń aıtýynsha, ol baýyrymen jorǵalaýshyny satqannan túsken aqshany ýnıversıtettegi oqýynyń aqysyn tóleýge jumsaǵan.
Prokýrorlardyń aıtýynsha, ol tasbaqalardy Kanada men AQSh-tan teńiz arqyly Qytaıǵa tasymaldap kelgen nemese basqa adamdarǵa júkteriniń arasyna salyp ótý úshin aqshasyn tólep jiberip otyrǵan.
