AQSh-ta senator Djon Kennedı prezıdent saılaýyna qatyspaq
ASTANA. KAZINFORM — Lýızıana shtatynan saılanǵan respýblıkashyl senator Djon Kennedı Meet the Press baǵdarlamasynda 2028 jylǵy prezıdent saılaýyna qatyspaq oıy baryn aıtty, denp habarlaıdy Kazinform agenttiginiń Vashıngtondaǵy menshikti tilshisi.
NBC News arnasynyń júrgizýshisi Krısten Ýelkerdiń prezıdenttikke kandıdat bolasyz ba degen suraǵyna Kennedı «Iá» dep jaýap bergen.
— Qazirgi ýaqytta ekinshi merzimge saılanýǵa úmitker bolýdy josparlap otyrmyn, biraq buryn aıtqanymdaı, eger men Senatta ónimdi jumys isteı almaıtyndaı bolsam, prezıdent saılaýyna qatysý jaǵyn qarastyramyn, — dedi Kennedı.
AQSh prezıdenti Donald Tramp buǵan deıin vıtse-prezıdent Dj.D. Vens pen Memlekettik hatshy Marko Rýbıony muragerler retinde qarastyrǵan. Qyrkúıek aıynda Rýbıo prezıdenttikke úmitker bolýdy «ázirge josparlamaǵanyn» aıtty.
NBC News buǵan deıin AQSh qorǵanys mınıstri Pıt Hegsettiń 2028 jylǵy prezıdent saılaýynda kandıdat bolý múmkindigi týraly aıtqanyn habarlaǵan, biraq Qorǵanys mınıstrliginiń ókili keıinnen bul aqparatty joqqa shyǵarǵan.
Sondaı-aq, tamyz aıynda Tramp Tehas shtatynan saılanǵan respýblıkashyl senator Ted Krýzdyń 2028 jylǵy prezıdenttik saılaýǵa túsýi múmkin ekenin aıtqan bolatyn.
2028 jylǵy prezıdent saılaýy 2012 jyldan bergi Tramp Respýblıka partııasynan úmitker bolmaıtyn alǵashqy saılaý bolady.
Eske sala keteıik, Tramp Respýblıkalyq partııa saılaýda jeńse, amerıkalyqtarǵa $5 myńnan tóleýge ýáde berdi.
