AQSh-ta selfı úlgisinde sýretke túskisi kelgen adamdy poıyz qaǵyp ketti
ASTANA. QazAqparat - AQSh-tyń Vashıngton shtatynda súıiktisimen birge selfı úlgisinde uıaly telefonyndaǵy fotoapparatymen sýretke túskisi kelgen er adamdy poıyz qaǵyp ketti. Bul týraly dúısenbi, 23 aqpan kúni CBS Seattle habarlady, dep jazady Lenta.rý.
Okrýg polıtseıiniń aıtýynsha, oqıǵa senbi, 21 aqpan kúni tańerteń bolǵan. Birge sýretke túsken boıjetken zardap shekken joq. Polıtsııa qaza tapqan adamnyń esimin jarııa etken joq.
Oqıǵanyń sebebinen temirjol qozǵalysy toqtap, jeti poıyz ýaqytynan keshiktirildi. Buǵan deıin Úndistanda kolledjdiń úsh stýdenti kele jatqan poıyz aldynda selfı jasamaq bolyp qaza tapqan bolatyn.
