AQSh-ta saýda úıinde atys uıymdastyrǵan kúdikti ustaldy
ASTANA. QazAqparat - Amerıkalyq polıtsııa Vashıngton shtaty Berlıngton qalasyndaǵy saýda úıinde bes adam ajal qushqan atysqa kúdikti jas jigitti qolǵa túsirdi.
Ustalǵan er adamnyń aty Arqan Setın, jasy 20-da, sol shtattyń shaǵyn Oýk-Harbor qalasynyń turǵyny bolyp shyqty, ol sol jerden ustalǵan syńaıly, dep habarlady Bı-Bı-Sı.
Jumada Cascade Mall saýda ortalyǵynda bolǵan atystan úsh áıel, qyz bala qaza tapty, sondaı-aq keıinnen aýrýhanada aýyr jaraqattan bir er adam kóz jumdy.
FBR muny lańkestik shabýyl dep qarastyrmaıtyndyqtaryn málimdedi. Polıtsııa shabýyldaýshy jalǵyz ózi oq atty degen nusqany ustanýda.
