AQSh-ta saýda úıinde atys boldy: 19 adam ajal qushyp, 22-si jaralanǵan
NUR-SULTAN. QazAqparat – Senbi kúni Tehastaǵy El-Paso saýda úıinde bolǵan atystan 19 adam ajal qushyp, 22 adam aýrýhanaǵa jetkizildi. Olardyń ishinde kishkentaı balalar da bar, dep habarlaıdy BBC.
Polıtseılerdiń aıtýynsha, atys birneshe jerde bolǵan kórinedi. Áýeli Walmart sýpermarketinde atys bolǵan.
Bılik ókilderi oq jaýdyrǵan qaskóıdiń esimin atamaı otyr, alaıda ol 21 jastaǵy Patrık Krýsıýs esimdi jigit degen málimet bar.
El-Paso polıtsııa departamentiniń serjanty Enrıke Karrılo qazir qaýip joq ekenin, oq atý toqtaǵanyn jetkizdi.
Mer Dı Margo CNN-ge úsh adamnyń qamaýda otyrǵanyn aıtqan, alaıda naqty qansha adamnyń kóz jumǵany týraly málimet bermegen.
