AQSh-ta rýlde otyryp smartfon shuqylaǵandardy mas kúıde kólik basqarǵandarmen teńestirý usynyldy
ASTANA. QazAqparat - AQSh polıtsııasy jol apatyna qatysty júrgizýshilerdi rýlde otyryp telefondy paıdalandy ma, paıdalanbady ma sony teksermek. Buǵan Cellebrite kompanııasy ázirlegen qurylǵy járdemdesedi, dep jazady The Telegraph.
Buǵan deıin atalmysh ızraıldik kompanııa mamandary amerıkalyq FTB-ge San-Bernardınoda adamdarǵa oq jaýdyrǵan qylmyskerdiń iPhone telefonyndaǵy málimetterdi buzyp ashyp berýge kómektesken bolatyn.
Rýlde otyryp telefon jáne basqa da mobıldi qurylǵylardy paıdalaný júrgizýshini alańdatady, onyń arty jol apatyna (tipti ólimge) uryndyrýy múmkin.
Júrgizýshilerdi tekserýdi Nıý-Iork senatory Terrens Merfı óziniń ázirlegen zań jobasynda usyndy. Qujatta jol apatyna qatysty júrgizýshi bılik talaby boıynsha tekserýge telefondaryn berýge mindetti ekendigi kórsetilgen.
Zańda jobasynda jol júrý kezinde qaýiptiligine qaramastan júrgizýshilerdiń 67 paıyzy smartfon paıdalanatyny keltirilgen. Sondyqtan memleket smartfon shuqylaǵan júrgizýshini mas kúıde kólik basqarǵandarmen teńestirýi tıis eken. Atalmysh zań jobasyn ázirleýge Distracted Operators Risk Casualties (DORCs) uıymy da qatysty.
DORCs uıymyn qurǵandardyń biri Ben Lıbermannyń 19 jasar uly jol apatynan qaza tapqan. Ben Lıberman júrgizýshiniń telefonyn teksertýdi usynǵan. Sot ol júrgizýshiniń smartfonan mátin terýi jol oqıǵasyna sebepshi bolǵanyn dáleldegen.
AQSh-tyń jeke adamǵa qatysty málimetter qupııalylyǵy týraly zańy polıtsııaǵa adamnyń telefonyndaǵy sońǵy qyzmetin (qońyraý, habarlama jáne t.b.) qaraýǵa múmkindik bermeıdi.
Al «Tekstotester» jobasy jol oqıǵasy kezinde telefon qoldanyldy ma, joq pa, sony meta-derekter boıynsha anyqtap beredi.
