AQSh-ta Rojdestvo qarsańynda terrorlyq qaýip deńgeıi kúsheıdi
ASTANA. QazAqparat - AQSh-tyń Federaldy tergeý bıýrosy Rojdestvo qarsańynda Qurama Shtattardyń aýmaǵynda terrorlyq shabýyl jasalýy múmkin ekendigin eskertti, dep jazady «Habar 24».
Mundaı boljam ǵalamtorda amerıkalyq shirkeýlerge shabýyl jasaýǵa shaqyratyn aqparattardyń jıi jaryq kórýine baılanysty jasalǵan. Qazir tártip saqshylary jaǵdaıdy óz baqylaýyna alyp, derektiń naqtylyǵyn anyqtaýda.
Eske sala keteıik, Berlındegi lańkestik shabýyldan keıin AQSh óz aýmaǵynda qaýipsizdik sharalaryn kúsheıtken. Máselen, Chıkago polıtsııasy Rojdestvo qarsańynda jármeńke ótetin jerge múlde avtokólik kirgizbeı qoısa, Nıý-Iorkte qarý asynǵan saqshylar qatary artty.
