AQSh-ta robototehnıkadan ótip jatqan chempıonatta elimizden 230 oqýshy óner kórsetedi
ASTANA. KAZINFORM - AQSh-ta ótip jatqan FIRST Championship álemdik robototehnıka chempıonatynda Qazaqstannan shamamen 230 oqýshy óner kórsetip jatyr, dep habarlaıdy QR Oqý-aǵartý mınıstrliginiń baspasóz qyzmeti.
Bapasóz qyzmetiniń málimetterine qaraǵanda, Hıýston qalasynda jyl saıyn 50 000-nan astam qatysýshyny biriktiretin álemdegi eń iri ınjenerlik týrnırlerdiń biri bastaldy. Bıyl Qazaqstan atynan saıysqa 225 oqýshy qatysyp jatyr. Bul ótken jylmen salystyrǵanda shamamen 3 esege kóp.
Delegatsııa quramyna Astana, Almaty, Shymkent, Qaraǵandy, Oral, Şýchınsk qalalary men Túrkistan oblysynan komandalar endi. Qatysýshylar Astanada ótken Alem Tech Fest Ortalyq Azııa kezeńinde irikteýden ótti.
Chempıonat mektep oqýshylary arasyndaǵy robototehnıka boıynsha negizgi halyqaralyq jarystardyń biri sanalady. Qatysýshylar ınjenerlik sheshimder ázirlep, matchtar serııasynan ótip, fınaldyq kezeńderge joldama úshin baq synaıdy. Alań ınjenerlik daıyndyǵy joǵary jáne básekelestik deńgeıi joǵary elderdiń komandalaryn biriktiredi.
Bıyl jarysqa qatysýshylar sanynyń artýy júıeli daıyndyq pen ınjenerlik bilim berýdi damytý nátıjesinde múmkin boldy. 2020 jyldan bastap Qazaqstan STEM baǵyty boıynsha halyqaralyq deńgeıde óz pozıtsııasyn kezeń-kezeńimen nyǵaıtyp keledi.
Osyǵan deıin qazaqstandyq stýdenttiń adam bara almaıtyn qaýipti jerlerde jumys isteıtin robot shyǵarǵany týraly jazdyq.
