AQSh-ta pyshaqpen kelgen uryny qylyshpen qorqytyp, qýyp shyqqan
ASTANA. QazAqparat - Pıttsbýrg (Pensılvanııa shtaty) qalasynda urlyq jasaýǵa árekettengen baýkespeler kúlkili jaǵdaıǵa qaldy. Betperde kıgen eki buzaqy, dúkendi tonamaqqa árekettengen.
Olardyń biriniń qolynda jalpaq pyshaq bolǵan. Іshke basa-kókteı kirgen qaraqshylar sýyq qarýmen qyzmetkerlerdi qorqytyp, aqsha talap ete bastaıdy.
Alaıda qashannan oqys oqıǵaǵa daıyn turatyn satýshy sóreden olardikinen de úlken qylysh alyp, tonaýshylarǵa qarsy umtylady. Ashýǵa mingen er adam bolat qylyshpen buzaqylardyń artynan qýa jóneledi, urylar dúkennen zat almaq túgili zorǵa qashyp qutylady.
Keıinnen satýshy onda qylyshtan basqa, tapansha da bolǵanyn moıyndaǵan.
