AQSh-ta Pýlıttser syılyǵy tabys etildi
ASTANA. 19 sáýir. QazAqparat - Jýrnalıstıka salasyndaǵy Pýlıttser syılyǵynyń eń bedeldi atalymy - «Qoǵamǵa qyzmet etý» atalymynyń laýreaty bolyp The Los Angeles Times basylymy anyqtaldy.
Gazet sheneýnikter ózderine eshkimde joq jalaqy belgilep alǵan Kalıfornııanyń shaǵyn Bell qalasyndaǵy jemqorlyqqa belshesinen batqan jergilikti bılik týraly jazǵan bolatyn. Osy maqala atalǵan faktilerdi tekserýge, biraz adamdy qamaýǵa jáne jergilikti bılik júıesinde túbegeıli reformalar jasaýǵa ákeldi, - dep habarlaıdy «RIA «Novostı» agenttigi.
Pýlıttser syılyǵynyń laýreattary dúısenbi kúni Kolýmbııa ýnıversıtetiniń qabyrǵasynda jarııa etildi. Laýreattar 14 atalym boıynsha berilgen 1 myńnan astam jýrnalıstik materıaldardyń ishinen iriktelip alyndy.
Pýlıttser syılyǵynyń tarıhy sonaý 1917 jyldan bastalady: sol jyly amerıkandyq jýrnalıst Gerbert Baııard Svop 1916 jyldyń qazan aıynda New York World gazetinde jarııalanǵan «Germanııa ımperııasyna ishten kózqaras» degen taqyryptaǵy materıaldar serııasy úshin alǵashqy syılyq alǵan edi.
