AQSh-ta psıhıatrııalyq bóliminiń naýqasy eki adamdy pyshaqtap óltirdi

NUR-SULTAN.QazAqparat – AQSh-tyń Las-Vegas qalasyndańy aýrýhananyń psıhıatrııalyq bólimshesinde naýqas eki adamdy pyshaqtap tastady. Olardyń biri alǵan jaraqatynan qaıtys boldy, dep habarlaıdy QazAqparat CBS News basylymyna silteme jasap.

Oqıǵa Ýnıversıtettik medıtsınalyq ortalyǵynda psıhıkalyq aýrýǵa shaldyqqan naýqastar emdelip jatqan qorǵalatyn aımaqta bolǵan.

AQSh polıtsııanyń málimetinshe, beısenbi kúni túnde kúdikti óz bólmesinen shyǵyp, kórshi bólmege kirip, qaýipsizdik belbeýimen baılanǵan birinshi jábirlenýshini pyshaqtap óltirgen. Sodan keıin pyshaq ustaǵan er adam dálizge shyǵyp, kezekshi medbıkemen birge qashyp úlgergen ekinshi jábirlenýshige shabýyl jasady. Túzeý qyzmetkerleri kúdiktini qamaýǵa aldy.

Qazir 40 jastaǵy er adamnyń pyshaqty qaıdan alǵany tekserilýde.