AQSh-ta poıyzǵa avtobýs soǵyldy, qaza tapqandar bar
ASTANA. QazAqparat - Amerıkanyń Mıssısıpı shtatynda poıyzǵa avtobýs soǵyldy. Onnan astam adam jaraqat aldy, tórt adam qaza tapty, dep habarlaıdy Bı-Bı-Sı agenttigi.
Oqys oqıǵa Harrıson okrýgine qarasty Bıloksı qalasynda bolǵan. Júk poıyzy avtobýsty soǵyp qoǵamdyq kólikti temir jol boıymen 100 metrge deıin súıregen.
Poıyz aqyryn kele jatqan, olaı bolmaǵanda qurbandar anaǵurlym kóp bolýy múmkin edi.
Jergilikti polıtsııa ókiliniń brıfıngte málim etýinshe, Tehastan kele jatqan avtobýs belgisiz sebeptermen temir joldyń boıynda toqtap qalǵan. Avtobýsta shamamen 50 jolaýshy bolǵan, onyń deni qarııalar.
