AQSh-ta poıyz ben mektep avtobýsy soqtyǵysty
ASTANA. QazAqpart - AQSh-ta Soltústik Dokota shtatynda Larımor qalasynyń shyǵysyna qaraı poıyz ben mektep avtobýsy soqtyǵysyp, saldarynan 2 adam ajal qushyp, keminde 12 adam túrli deńgeıdegi aýyr jaraqattar aldy.
Shtat polıtsııasynyń málimdemesine silteme jasaǵan jergilikti BAQ-tyń habarlaýynsha, apat 5 qańtarda, dúısenbide, jergilikti ýaqytpen saǵat 15:30-da temirjol ótkelinde oryn alǵan. Apat saldarynan avtobýs júrgizýshisi men 17 jastaǵy mektep oqýshysy kóz jumdy.
Zardap shekkender jaqyn jerdegi aýrýhanaǵa jetkizildi. Oqys oqıǵa ornyna qutqarýshylar brıgadasy men tikushaqtar jetkizildi. Apattyń mán-jaıy anyqtalýda.
