AQSh-ta polıtsııa qyzmetkeri Obamanyń áıelin atpaqshy bolǵan
ASTANA. 14 shilde. QazAqparat - AQSh-ta eldiń birinshi hanymyna qarsy ses kórsetýdi aıtqan polıtseıge qatysty tekserý jumystary bastaldy.
rus.ruvr.ru aqparatyna sáıkes, polıtseı prezıdenttik qaraýyl mototsıklshileriniń biri bolyp shyqqan. Qazirgi tańda ol prezıdent pen onyń áıelin kúzetip júrý jumysynan bosatylyp, ákimshilik qyzmetke aýystyryldy. Degenmen ol áli de bostandyqta kórinedi.
Ótken sársenbide, tergeý derekteri boıynsha, kúdikti óz tanystaryna Mıshel Obamany atyp tastaıtynyn aıtyp, maqtanǵan jáne ony iske asyrý úshin qoldanatyn qarýynyń sýretin uıaly telefonynan da kórsetken. Bul áńgimeni taǵy bir qyzmetker estip qalyp, birden basshylyqqa jetkizgen.
Aıta keteıik, bolýy múmkin qastandyq týraly atalmysh málimetter Qupııa qyzmetke joldanyp, prezıdent otbasy múshelerin kúzetý kúsheıtildi. Vashıngtondyq polıtsııa basshylyǵy óz qyzmetkeriniń «aqylǵa syıymsyz sózderin» moıyndaǵanmen, oǵan tolyq túsinikteme berýden bas tartýda.
1tv.kz
