AQSh-ta polıtsııa 6 jasar balany atyp óltirdi

Federaldyq marshaldar er adamǵa sot ókimin tabystaǵysy kelgen, alaıda ol balasymen birge kólikke otyryp, izin jasyrmaq boldy.

Marshaldar artynan kólikpen qýyp, aqyry qashqynnyń avtomobılin toqtatqan. Er adam kóliginen shyqpaı, artqa qaraı júre bastaǵan, dep jazady Bı-bı-sı. Ony shabýyldaý dep túsingen tártip saqshylary kólikke oq atqan. Sonyń saldarynan kóliktiń ishinde otyrǵan bala mert boldy.

Balanyń ákesi aýyr jaraqattarmen aýrýhanaǵa jetkizilgen. Onyń ómirine qaýip tónip turǵan joq.

Polıtsııa marshaldardyń áreketterin tergeýdi bastady. Bul rette polıtseıler qandaı da bir aqparat bermeı otyr.