AQSh-ta polıtseılerdi tańqaldyrǵan kisi ólimi boldy
ASTANA. QazAqparat - Amerıkanyń Vırjınııa qalasynda ekpindi jelden ushyp ketken jaǵajaı shatyry 55 jastaǵy áıeldiń ólimine sebep boldy, dep habarlady «Reuters» agenttigi.
Polıtsııanyń habarlaýynsha, kún kózinen qalqalaıtyn jıylmaly shatyrdyń súıir ushy Lottı Mıshel Belk Chester esimdi áıeldiń keýdesine shanshylyp, júregine qadalǵan. Jedel járdem dárigerleri ony aýrýhana jetkizgenimen, ómirine arasha bola almady.
«Bul sumdyq jazataıym oqıǵa boldy», - dep málimdedi qala ofıtseri. Ol 25 jyl polıtsııa bóliminde qyzmet etip, mundaı jaǵdaıdy kórmegenin jetkizdi.
