AQSh-ta pılotsyz Uber taksıi áıeldi mert qyldy
ASTANA. QazAqparat - 19 naýryz kúni Arızona shtatynyń (AQSh) polıtsııasy Uber kompanııasynyń pılotsyz taksıi Tempe qalasynda áıeldi qaǵyp ketkenin málim etti, dep habarlaıdy QazAqparat AZERTADJ-ǵa silteme jasap.
Zardap shegýshi alǵan jaraqatynan kóz jumǵan. Osydan keıin Uber kompanııasynyń basshylyǵy AQSh pen Kanadada avtonomdyq kólik baǵdarlamasyn toqtatatynyn málim etti.
Tempede bolǵan jaǵdaı ózi basqarylatyn kólik quralynyń qatysýymen bolǵan alǵashqy jol apaty. Búginde taksıdiń mundaı túri álem boıynsha synaqtan ótýde. Jeksenbiden dúısenbige qaraǵan túni bolǵan apat kezinde avtomobıldiń rýlinde júrgizýshi bolǵan, biraq kólik quraly avtonomdyq rejimge qoıylǵan, dep habarlady Tempe polıtsııasynan.
Foto: mlpol.net
