AQSh-ta perzenthanadan urlanǵan bala 18 jyldan keıin tabyldy
ASTANA. QazAqparat - Ońtústik Korolına shtatynyń polıtseıleri sońǵy 20 jyldaǵy eń bir rezonanstyq istiń betin ashty; Djeksonvıll qalasynda 18 jyl buryn sábı kezinde perzenthanadan urlanǵan Kamııa Moblı aman-esen tabyldy, dep jazady Daily Mail.
Basylym keltirgen derekter boıynsha, qyz bala osy ýaqytqa deıin ózin urlap alǵan áıeldi anasy dep sanap kelgen. Qylmysty jasaǵan 51 jastaǵy Glorııa Ýılıams urlanǵan balaǵa jasandy qujattar taýyp alǵan, alaıda týǵan kúni men jyly ózgertilmeı qalǵan. Saqshylar osy derek negizinde qyz balanyń «urlanǵan sábı» ekendigin anyqtaǵan. Olardyń kúdigin keıin DNQ-test rastap bergen.
Qazirgi tańda Ýılıamsqa adam urlaý faktisi boıynsha aıyp taǵylǵan. Alaıda Kamııa óziniń týǵan otbasyna oralýǵa asyǵar emes. Amerıka zańnamasy boıynsha boıjetken men onyń otbasy tek eki jaqtyń ózara kelisimi boıynsha ǵana qosyla alady.
