AQSh-ta parom jaǵalaýǵa soǵylyp, adamdar zardap shekti
ASTANA. QazAqparat - Amerıkalyq Haıennıs-Port (Masachýsets shtaty) qalasynda jolaýshylar paromynyń apatqa ushyraýynyń saldarynan 18 adam zardap shekti. Bul týraly TASS qalalyq órt sóndirý basqarmasynyń basshysyna silteme jasap habarlady.
Onyń sózinshe, parom jergilikti porttardyń birine toqtaıtyn kezde jaǵalaýǵa kelip soǵyldy. Sonyń saldarynan paromda jaryq paıda bolǵan. Kemede 50 jolaýshy men ekıpaj músheleri bolǵan. Olardyń barlyǵy da sátti evakýatsııalandy.
«Barlyǵy 18 adam jaraqat aldy. 15-i aýrýhanaǵa jetkizildi»,-dedi Melanson.
AQSh-tyń jaǵalaý kúzetiniń habarlaýynsha, parom apatqa ushyraıtyn ýaqytta aımaqta aýa raıy buzyla bastaǵan, ıaǵnı, jel kúsheıip, kórinis nasharlaǵan. Bılik ókilderi bolǵan oqıǵa boıynsha tekserý jumystary júrgizip jatyr.
