AQSh-ta parashıýtshiler mingen ushaq apatqa ushyrady
ASTANA. KAZINFORM – AQSh-tyń Mıssýrı shtatynda jeńil motorly ushaq apatqa ushyrap, borttaǵy 12 adamnyń barlyǵy qaza tapty, dep habarlaıdy BBC.
Mıssýrı shtatynyń jol polıtsııasynyń málimetinshe, Pacific Aerospace P750 ushaǵy Kanzas-Sıtıdiń ońtústigindegi Batler áýejaıy mańynda ushyp shyqqannan keıin kóp uzamaı qulaǵan.
Ushaq skaıdaıvıngpen, ıaǵnı parashıýt sportymen aınalysatyn kompanııa tarapynan jalǵa alynǵany habarlandy.
Bortta 11 parashıýtshi men ushqysh bolǵan.
AQSh-tyń Federaldyq avıatsııa basqarmasy mundaı reıster úshin áýe qozǵalysyn basqarý qyzmetimen baılanys mindetti emes ekenin naqtylady. Sondyqtan ázirge apattyń naqty sebebi belgisiz.
UPDATE: 12 people were killed after a plane carrying 11 skydivers and a pilot crashed near Butler Memorial Airport in Butler, Missouri. -FOX4 https://t.co/UWdylPia1M pic.twitter.com/QyxoXy65Fb
— Breaking911 (@Breaking911) June 14, 2026
Qutqarý qyzmetteri apat ornynyń mańyndaǵy aýmaqtardy tekserip, ushaqtan sekirip úlgergen parashıýtshiler bolýy múmkin degen boljamdy qarastyrǵan. Alaıda tiri qalǵandar tabylǵan joq.
Eske sala ketsek, buǵan deıin Brazılııada eki tikushaqtyń áýede soqtyǵysqanyn jazdyq.
