AQSh-ta panasyz áıeldi qýyp shyqqan aýrýhanaǵa 450 myń dollar tóleý mindetteldi
ASTANA. QazAqparat - Aýrýhana qyzmetkerleri panasyz áıeldi aýrýhana pıjamasymen qýyp shyqqan, dep habarlaıdy Bı-bı-sı.
Esi aýysqan úısiz áıeldi aýrýhana pıjamasymen qýyp shyqqan Los-Andjelestegi aýrýhana 450 myń dollar tóleıtin bolady.
Oqıǵa 2014 jyly bolǵan, al 2015 jyldyń sáýir aıynda Los-Andjeles bıligi Gardens Regional Hospital and Medical Center aýrýhanasyn sotqa berdi.
38 jastaǵy áıel shızofrenııamen jáne ózge de psıhıkalyq aýrýlarmen, qant dıabeti jáne demikpemen aýyrǵan. Onyń qujaty men aqshasy bolmaǵan, dep jazdy Assoshıeıted press.
Los Angeles Times gazetiniń habarlaýynsha, áıeldi aýrýhana fýrgonynan qýyp shyqqan. Qýylǵan áıel ózi týraly qala bıligi habardar bolǵansha, birneshe saǵat boıy pıjamamen kóshe kezip júrgen. Gazet málimetterine súıener bolsaq, áıel maskúnemdik pen nashaqorlyqtan zardap shekken.
Qala bıligi aýrýhanany patsıentterge kómek kórsetpeı qýyp shyǵady dep aıyptaýda. Mundaı qarym-qatynasqa atalǵan áıeldiń isi tamasha mysal boldy.
