AQSh-ta óz uldaryn ashtan qatyrǵan ata-ana 40 jylǵa sottaldy
ASTANA. QazAqparat - Pensılvanııa shtatynda Harrısbýrg soty erli-zaıypty Djarred pen Kımberlı Tatkoǵa óz uldaryn ashtan óltirgeni úshin úkim shyǵardy, dep habarlady TASS.
Sot sheshimi boıynsha 39 jastaǵy Djarred Tatko 42 jylǵa sottaldy, al onyń 40 jastaǵy áıeli Kımberlı temir torda 40 jylyn ótkizedi.
Sotta erli-zaıyptylar óz aıyptaryn tolyqtaı moıyndady. Olar aýtızmmen aýyratyn 9 jastaǵy uldaryn uzaq ýaqyt boıy sanaly túrde ash ustaǵan. Ony jeke bólmede qamap ustaǵan. Aıyptaý taraby balanyń óler sátinde salmaǵy nebary segiz keli bolǵanyn málimdedi.
