AQSh-ta ótken polıtseıler men órt sóndirýshilerdiń búkilálemdik olımpıadasynda qazaqstandyq quqyq qorǵaýshylar 7 medalǵa ıe boldy

Bul týraly búgin QR Іshki ister mınıstrligi Memlekettik til jáne aqparat departamentiniń basshysy Nurdildá Oraz málim etti.

Ústimizdegi jylǵy 26 tamyzdan 5 qyrkúıekke deıin Nıý-Iork mańyndaǵy Manhetten qalasynda polıtseıler men órt sóndirýshilerdiń búkilálemdik olımpıadasy ótken bolatyn. Baıraqty básekege álemniń 70 memleketinen kelgen quqyq qorǵaý organdarynyń 15 myń qyzmetkeri qatysty. «Qazaqstan Respýblıkasy Іshki ister mınıstrliginiń bedelin 5 qyzmetker qorǵap, 7 medalǵa - eki altyn, úsh kúmis jáne eki qolaǵa ıe boldy», - dedi ol.

N.Orazdyń atap ótýinshe, Almaty qalalyq mamandyrylǵan kúzet qyzmeti basqarmasynyń qyzmetkeri, kúsh qurylymdary arasynda bokstan 2009 jylǵy álem chempıony, polıtseıler arasynda qoıan-qoltyq urystan Eýropa júldegeri, polıtsııa kapıtany Abdýsanat Sharafov eki altyn medaldi enshiledi.

Al kúsh qurylymdary arasynda álem jáne Eýropanyń toǵyz dúrkin chempıony atanǵan QR ІІM Kadr jumysy departamentiniń qyzmetkeri Serik Nurǵalıev kúsh jattyǵýlarynan eki kúmis medaldi jeńip aldy.

Sonymen qatar kúsh qurylymdary arasynda sambodan 2007 jylǵy álem chempıony, dzıýdodan Eýropa júldegeri, sambodan Azııa chempıony, astanalyq jol polıtsııasy qyzmetkeri Talǵat Qojabaev kúmis medalǵa ıe boldy.

Kúsh qurylymdary arasynda bokstan 2009 jylǵy álem chempıony, Qazaqstannyń úsh dúrkin chempıony, Almaty qalasy ІІD Kadr jumysy basqarmasynyń ınspektory Almas Doschanov pen bokstan Qazaqstannyń 2004, 2005 jyldardaǵy chempıony, 2006 jyly Bakýda ótken halyqaralyq týrnırdiń jáne 2005 jyly QR Prezıdenti Kýbogynyń júldegeri, QR ІІM Almaty Akademııasynyń ınspektory polıtsııa aǵa leıtenanty Sáken Qusaıynov qola medaldi ıelendi.