AQSh-ta otbasylyq jup qarańǵylyqtan qorqatyn ulyn júksalǵyshqa qamap emdemek boldy
ASTANA. QazAqparat - Pensılvanııa shtaty, Pıttsbýrgten otbasylyq jup qarańǵylyqtan qorqatyn ulyn kólik júksalǵyshyna qamap emdemek boldy, dep habarlaıdy Lenta.ru.
Lenharttar otbasy júksalǵyshtaǵy balasyn kámpıt berip aldaǵan. Olardyń bundaı tárbıe ádistemesi týraly qamqorlyqqa alý organdary ókilderine zardap shekken balanyń aǵasy jetkizgen. Osydan keıin balalardy týystaryna berdi, ata-analaryna qatysty bala ómirine qaýip tóndirý faktisi boıynsha qylmystyq is qozǵaldy.
Sotta erli-zaıypty Djeffrı men Danıel Lenhart (Jeffrey ı Danielle Lenhart) óz isterine ókinetinderin aıtty. Sýdıa balany psıhologqa aparýdy usyndy, sondaı-aq ata-anasyna eki jyl shartty túrde jazasyn óteý úkimin shyǵardy. Taıaýda eki bala da úılerine qaıtady.
