AQSh-ta ormandar órtenip jatyr

NUR-SULTAN. QazAqparat – AQSh-tyń batysyndaǵy ormandarda 100-ge jýyq órt bolyp, kem degende jeti adam qaza tapty, myńdaǵan adam kóshirildi, qalalar qırady. Bul týraly QazAqparat VVS agenttigine silteme jasap habarlaıdy.

Jylý tolqyndary men jelden bolǵan órtten eń kóp zardap shekken – Kalıfornııa, Vashıngton jáne Oregon shtattary.

Oregon shtatynyń gýbernatory osy oqıǵany shtat tarıhyndaǵy órt saldarynan «adam men múlik shyǵyny eń kóp tirkelgen jaǵdaı» dep atady.

Aımaqtyń basqa toǵyz shtatynda da orman órti órship tur.

Oregonda orman órti saldarynan úsh adam, Kalıfornııada – úsh adam jáne Vashıngtonda bir adam qaza tapqan.

Ulttyq vedomstvoaralyq orman ortalyǵynyń málimetinshe, AQSh-tyń batysynda 96 iri órt tirkelgen. Qazirgi kezde 3,4 mıllıonnan astam akr jer órtendi, bul rette sońǵy kúni Kalıfornııa, Oregon jáne Vashıngtonda ońdaǵan myń akr jer janyp ketken.

Oregon shtatynyń resmı tulǵalary birneshe qalanyń jel saǵatyna 72 shaqyrym jyldamdyqpen soqqan kezde órtenip ketkeni málimdedi.