AQSh-ta orman órtine baılanysty tótenshe jaǵdaı jarııalandy

ASTANA. KAZINFORM – Ońtústik Karolına gýbernatory qurǵaq kún raıy men ekpindi jel saldarynan bolǵan 175-ten astam órt oqıǵasy baılanysty tótenshe jaǵdaı jarııalady, dep habarlaıdy NBC News.

Ońtústik Karolına shtaty orman sharýashylyǵynyń esebine sáıkes, Orrı okrýgindegi órt jeksenbide 1600 akr (647 ga) jerdi sharpyǵan, bul segiz aımaqtyń turǵyndaryn evakýatsııalaýǵa májbúr etti.

Shtat boıynsha, sonyń ishinde Spartanberg, ıÝnıon, Okone jáne Pıkkens okrýgterinde 4200 akr (1699 ga) jerdi órtenip ketken. 

Órtti sóndirýge Ońtústik Karolına orman sharýashylyǵynyń shamamen 410 qyzmetkeri, kem degende 128 órt sóndirý kóligi, sondaı-aq Ońtústik Karolına ulttyq gvardııasynyń áskeri jáne eki «Blackhawk» tikushaǵy jumyldyrylǵan. 

Shtattaǵy Qyzyl Krest uıymynyń habarlaýynsha, shamamen 135 turǵyn okrýgtik demalys ortalyǵy men shirkeýdi panalady. 

AQSh-tyń Klımatty boljaý ortalyǵynyń málimetinshe, shtattaǵy jaǵdaı erte kóktemge deıin saqtalatyn qurǵaqshylyqtan qıyn bolyp otyr.

Buǵan deıin Kalıfornııada taǵy da alapat órt tutanyp, 50 myńnan asa adam evakýatsııalanǵanyn jazǵan bolatynbyz.