AQSh-ta orman órtine baılanysty 60 myń adam evakýatsııalandy
ASTANA. KAZINFORM — Vashıngton shtatynda orman órtteriniń saldarynan 600-den astam qurylym qırap, ondaǵan myń adam evakýatsııalandy, dep habarlaıdy NBC News.
Federaldyq tótenshe jaǵdaılardy basqarý qyzmetiniń málimetinshe, úsh órt jalyny 5390 akr (2181 ga) jerdi sharpydy.
Federaldyq tótenshe jaǵdaılardy basqarý qyzmetiniń málimetinshe, Old Treılste órt 3509 akr, Fervıýde — 981 akr, al Otem Leındegi 900 akr jerge taraǵan.
Resmı ókilderdiń aıtýynsha, Spokan qalasynda 60 myń adam evakýatsııalandy. Órt sóndirý qyzmetteriniń málimetinshe, tek Old Treılstegi orman órtinde 640 qurylys joıylǵan.
Bılik ázirge zaqymdalǵan nemese qıraǵan qurylymdardyń qanshasy úı, kásiporyn nemese mektep ekenin anyqtaǵan joq.
Vashıngton shtatynda jeksenbi kúni kommýnaldyq qyzmetterdiń shamamen 12 myń tutynýshysy elektr qýatynsyz qaldy, olardyń basym kópshiligi Spokanda turady.
Osyǵan deıin Túrkııada orman órtine qatysy bar degen kúdikpen 6 adam ustalǵanyn habarladyq.
Al Grekııada orman órtin sóndirý kezinde eki tikushaq áýede soqtyǵysty.
