AQSh-ta orman órtinen qaza bolǵandar sany ósip keledi

KALIFORNIıA. EURONEWS-QazAqparat – AQSh-ta janyp jatqanyna 4 apta bolǵan orman órtinen qaza bolǵandar sany artyp keledi, qazir órtten qurban bolǵandar sany kem degende 33 adamdy qurap otyr. Bul týraly QazAqparat Euronews agenttigine silteme jasap habarlaıdy.

Іz-tússiz joǵalyp ketkender de bar. El bıligi bul qaıǵyly tizimniń áli tolyǵa túsýi múmkin ekenin aıtyp otyr.

Myńdaǵan úı órtenip ketken. Órtten bolǵan shyǵynnyń kólemin anyqtaý kerek. Eń aýyr jaǵdaı órttiń 96 iri oshaǵy tirkelgen Kalıfornııa, Oregon jáne Vashıngtonda qalyptasty. Órtti sóndirýmen 29 myń adam aınalysyp jatyr.

Oregon gýbernatory Keıt Braýnnyń aıtýynsha, sońǵy kúnderi shtatta tórt myń sharshy shaqyrymǵa jýyq jer órtendi. 40 myńnan astam adam qaýipsiz jerge shyǵarylǵan. Turǵyndary evakýatsııalanýy tıis aýdandarda 500 myńnan astam adam turady.

Dúısenbide AQSh prezıdenti Donald Tramp órtke oranǵan Kalıfornııaǵa jol tartpaq.