AQSh-ta «omıkron» shtamyn juqtyrý kórsetkishi bir aptada 10%-dan 73%-ǵa deıin ósti

NUR-SULTAN. QazAqparat - AQSh-ta «omıkron» shtamyn juqtyrǵandardyń sany eki kún saıyn eselep artýda. AQSh Ulttyq allergııalyq jáne juqpaly aýrýlar ınstıtýtynyń dırektory Entonı Faýkıdiń aıtýynsha, «omıkron» shtamyn juqtyrý sany bir aptada 8-10%-dan 73% - ǵa deıin ósti.

Bul týraly QazAqparat Covid-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.

Germanııa turǵyndaryna pandemııaǵa baılanysty qarym-qatynasty múmkindiginshe shekteý usynyldy. 28 jeltoqsannan bastap jeke kezdesýlerge eń kóp degende 10 adam qatysa alady dep kútilýde. Vaktsınatsııalanbaǵan adamdar tek birge turatyn adamdarmen aralasa alady. Sonymen qatar túngi klýbtar men dıskotekalar jabylady dep kútilýde.

Taıland Phýketten basqa saıahattaýǵa bolatyn barlyq provıntsııany sheteldik týrıster úshin ýaqytsha jaýyp tastady. El bıligi barlyq kelýshiler úshin mindetti karantın engizýdi qaıta qarastyrýda.

UHL oıyn maýsymyn ýaqytsha toqtatý týraly jarııalady. Lıgada mundaı sheshim koronavırýsty juqtyrǵan oıynshylar men klýb qyzmetkerleri sanynyń kúrt ósýi jáne 50-ge jýyq turaqty chempıonat oıyndaryn májbúrlep kóshirý aıasynda qabyldandy.