AQSh-ta óltirilgen jetkinshekter Reseı nemese Qazaqstannan asyrap alynǵan bolýy múmkin
ASTANA. QazAqparat - Vashıngton shtatynyń bıligi jetkinshekter ólimine qatysty tergeý júrgizip jatyr. BAQ jáne jergilikti bıliktiń aldyn-ala jasalǵan boljamdy aqparatyna sáıkes, olar Reseıden asyrap alynǵan bolýy múmkin.
«RIA Novostı» habarlaǵandaı, Vashıngtondaǵy Reseı elshiliginde bul aqparat rastalýy kerek. Dıplomattar amerıkalyq taraptan oqıǵanyń mán-jaıyn kútip otyr. Keıbir resmı emes derekterde qaza tapqan jetkinshekter Qazaqstanda týýy múmkin.
Eske sala keteıik, oqıǵa Lana Karlson (49 jasta), Kýın Karlson (16 jasta) jáne Torı Karlsonǵa (18 jasta) qatysty. Kóz jumǵan taǵy bir qyzdyń esimi ázirge atalmady. Tergeý málimetterinshe, olardy Lana Karlsonnyń kúıeýi, 51 jastaǵy Devıd Ýeın Kempbell atýy múmkin. Oqıǵa ornyna quqyq qorǵaý organdary kelgende ol óz-ózine qol salǵan.
Balalar quqyǵy boıynsha RF prezıdenti janyndaǵy ýákil Pavel Astahov Twitter-degi jeke paraqshasynda Belfeır (Vashıngton shtaty) qalasynda amerıkalyq atyp óltirgen adamdardyń ishinde Reseıde týǵan balalar boldy dep jazǵanyn TASS habarlady.
Jergilikti BAQ-ta shyqqan sýretterge qaraǵanda, Vashıngton shtatynda qaza tapqan jasóspirimder arasynda azııalyq bolǵan.
KIRO7 telearnasy senbi kúni 18 jastaǵy Torı Karlsonnyń sýretin jarııalady. Azııalyqtyń sýretin jelide tanystary jarııalaǵan.
