AQSh-ta ólimge ákeletin zeń ınfektsııasyn juqtyrǵandar kóbeıdi

VAShINGTON. QazAqparat – Vashıngton qalasy men Tehas shtatynda alǵash ret Candida auris zeń aýrýyn juqtyrýdyń bes jaǵdaıy tirkeldi, dep habarlaıdy QazAqparat Newsweek agenttigine silteme jasap.

Candida auris zeń aýrýyn juqtyrý jaǵdaılary artyp otyr. Aýrýdy baqylaý jáne aldyn alý ortalyǵynyń málimetinshe, álemdik densaýlyq saqtaý salasyna qaýip tónip tur.

Infektsııa elde jaqynda paıda bolǵan, sondyqtan AQSh ǵalymdary onyń taralýynyń negizgi joldaryn áli anyqtaǵan joq.

Buǵan deıin Candida auris ınfektsııasy álemniń 30 elinde kezdesken.

Infektsııany neǵurlym osal adamdar, densaýlyǵy nashar naýqastar, sondaı-aq aýrýhanalarǵa jıi baratyndar tez juqtyrady.

Infektsııa ádette ımmýndyq júıesi álsiz naýqastarǵa áser etedi delingen.

Jańa zeń aýrýynyń túri Candida auris ınfektsııanyń ártúrli túrlerin týdyrýy múmkin. Zeń aýrýynyń belgileri baıqalmaýy múmkin. Infektsııa ólimge ákeledi dep habarlanǵan.

Atalǵan aýrýdy juqtyrǵan adamdardyń 30-60 paıyzy qaıtys boldy dep boljanǵan.

Biraq olardyń kópshiliginde aýyr qosalqy aýrýlary bolǵan. Infektsııa adamnan adamǵa juǵatyny týraly habarlandy.