AQSh-ta ólim jazasyn 22 jyl kútken áıel bostandyqqa shyqty
ASTANA. QazAqparat - Sot 20 jyldan astam ýaqyt buryn 4 jastaǵy óz balasyn óltirdi degen aıyppen sottalǵan Arızona shtatynyń turǵynyn bostandyqqa shyǵardy, dep habarlady Associated Press.
1989 jyldyń sońynda Debra Mılke esimdi áıeldiń balasyn eki er adam urlap, Fınıks qalasyna jaqyn jerde óltirgen. Sol ýaqytta Mılke qamaýǵa alynyp, qylmysty ózi uıymdastyrdy dep aıyptalǵan. Tergeý amaldarynyń qortyndysynda áıel balasynyń ajyrasqan kúıeýimen ketýin qalamaǵandyqtan osyndaı qylmysqa bardy dep kórsetilgen.
Alaıda, kináli Djeıms Staıers pen Rodjer Skott Mılkeniń qatysy joqtyǵyn aıtyp, kýálik bergen. Eń bastysy, aýrýhanada kúızeliste jatqan áıeldi tergeýshi zańsyz tergegendigi de jaryqqa shyqqan. Sońǵy sot úkimi boıynsha Mılkeniń jazyqsyz ekeni dáleldenip, ómiriniń 20 jyldan astam ýaqytyn abaqtyda ólim jazasyn kútýmen ótkizgen 51 jastaǵy áıel bostandyqqa shyqty.
