AQSh-ta Netanıahýdyń saparyna qarsy narazylyq aktsııasy ótti
ASTANA. KAZINFORM – Palestınany qoldaıtyn belsendiler Izraıl premer-mınıstri Bınıamın Netanıahýdyń búgin AQSh-qa josparlanǵan saparyna qarsy Aq úı aldynda narazylyq aktsııasyn ótkizdi. Bul týraly Anadolu habarlady.
Narazylyq bildirýshiler Palestına týy men «Izraıldi qarýlandyrýdy toqtatyńdar», «Palestına jasasyn!» degen jazýy bar bannerler ustap, «Palestınaǵa bostandyq!» dep urandatty.
Narazylyqqa shyqqandardyń biri tutqyn kıimin kıip, Netanıahýdyń bet-beınesi salynǵan betperde taǵyp shyqqan.
Dúısenbi, 7 shilde kúni AQSh prezıdenti Donald Tramp pen Bınıamın Netanıahý Vashıngtonda kezdesý ótkizedi. Bul Tramp 2025 jyldyń qańtarynda prezıdent qyzmetine kiriskeli beri úshinshi kezdesý bolmaq.
Atalǵan kezdesý maýsym aıynda Izraıl men AQSh-tyń Irannyń ıadrolyq nysandaryna birlesip jasaǵan shabýyly aıasynda eki el úshin «jeńisti kezdesý» nemese «trıýmfaldy marsh» túrinde ótpek.
Buǵan deıin AQSh prezıdenti Donald Tramp Izraıl Gaza sektorynda eki aılyq atysty toqtatýǵa qajetti sharttarmen keliskenin málimdegen edi.