AQSh-ta «Musylmandardyń kúnásizdigi» fılminiń prodıýseri qamaýǵa alyndy
ASTANA. 28 qyrkúıek. QazAqparat - Ǵalamtorǵa «Musylmandaryń kúnásizdigi» atty 14 mınýttyq arandatýshy rolıkti salýshy jáne sondaı ataýmen shyqqan fılmniń prodıýseri Nakýla Basselı Nakýla beısenbi kúni Los-Los-Andjeles qalasynda ustaldy.
Qamaýǵa alý sebebi synaý merziminiń talaptaryn buzý boldy. 2010 jyly Nakýla bank kartalarymen jasaǵan alaıaqtyǵy úshin túrmege otyrǵyzylyp, bes jyl boıy ǵalamtordy paıdalaný quqyǵynan aıyrylǵan.
Los-Andjeles federaldyq sotynyń ókili habarlaǵandaı, bul adamǵa «arnaıy ruqsatsyz ınternetke kirýge tyıym salynǵan».
Rolıkti salǵany úshin Nakýla Basselı Nakýla túrmege oralýy tıis. Beınemontajdy "ıÝtıýb" / YouTube/ portalyna salynǵan, avtordyń esimi Sem Besıl búrkenshik atymen jazylǵan.
Fılmniń qosarlas avtory Djozef Nazralla: «Lentanyń prodıýseri bolyp tabylatyn Nakýla rolıkti ózi montajdap, oǵan jańa dıalogtardy ózi qosqan, bul týraly shyǵarmashylyq top beıhabar bolǵan», - dedi.
