AQSh-ta munaı qorynyń azaıýyna baılanysty baǵa kóterildi

BAKÝ. QazAqparat – Ótken aptada AQSh-taǵy kommertsııalyq munaı qory 5,07 mıllıon barrelge azaıyp, 414,73 mıllıon barrelge deıin tómendedi. Buǵan eldiń energetıka mınıstrliginiń apta saıynǵy baıandamasy dálel bolyp otyr, dep habarlaıdy QazAqparat turan.az saıtyna silteme jasap.

Sarapshylar munaı qory 2,1 mıllıon barrelge deıin tómendeıdi dep boljaǵan.

Seısenbi kúni saýda-sattyq barysynda Eýropa Odaǵy elderiniń basshylary Reseı munaıynyń ımportyna ishinara tyıym salýǵa keliskendigi týraly habarlamaǵa baılanysty munaı baǵasy kóterildi.

Beısenbi kúni OPEK + otyrysynda qatysýshylar josparlanǵan 432 myńnyń ornyna shilde men tamyz aılarynda munaı óndirýdi táýligine 648 myń barrelge arttyrý týraly sheshim qabyldady.

Sarapshylar qazir shilde men tamyzǵa jospar maquldanǵan dep esepteıdi. Qyrkúıekke qatysty munaı óndirýdiń naqty jospary ázirge joq.

Londondaǵy ICE Futures bırjasynda Brent sortynyń tamyz fıýchersteri 22:25-ke qaraı 0,89-ǵa qymbattap, 117,52 dollarǵa jetti. Nıý-Iork taýar bırjasynda (NYMEX) shilde aıyndaǵy fıýchers quny osy ýaqytta 0,86-ǵa artyp, 116,49 dollarǵa qymbattady.