AQSh-ta munaı qory artyp, qara altyn 1,4 paıyzǵa arzandady

ASTANA. KAZINFORM – Benzınge suranystyń artýyna qaramastan sońǵy 2 apta ishinde munaıdyń Brent markasy barreline 63,5 dollarǵa deıin arzandady. Bul jaıynda Qazaqsan qarjygerleri qaýymdastyǵynan málim etti.

- Ótken aptada AQSh-tyń kommertsııalyq munaı qory 5,2 mln barrelge artyp, 421,2 mln barrelge deıin jetti, - dep habarlady Energetıkalyq aqparat basqarmasy.

Sarapshylar AQSh-ta munaı qorynyń artýy munan álde qaıda tómen, shamamen 603 myń barrel bolady dep boljaǵan edi.

Degenmen benzınge suranystyń boljamnan joǵary bolýy munaı baǵasynyń munan da tómen quldyraýyn tejep otyr. Benzın qory 4,7 mıllıon barrelge qysqaryp, 206 mıllıon barrel boldy. Al sarapshylar tek 1,1 mıllıon barrelge tómendeýin kútken bolatyn.

Aıta keteıik, elimiz 9 aıda eksporttaǵan munaı kólemi byltyrǵy 9 aımen salystyrǵanda 2,2 mln tonnaǵa artty. Alaıda túsken aqsha 3,1 mlrd dollarǵa kemidi.