AQSh-ta Muhammed Álıdiń boksshy bolýyna sebep bolǵan velosıped urlandy
ASTANA. QazAqparat - Muhammed Álıdiń bokspen aınalysýǵa sheshim qabyldaýyna sebep bolǵan velosıped sportshynyń týǵan qalasy Lýısvıllede urlandy.
Bul týraly óz Tvıtterinde aýmaǵynda eksponat saqtalatyn Spoldıng ýnıversıteti jazdy.
19 tamyzda oqý ornynyń paraqshasynda Muhammed Álıdiń estelik zaty joǵaldy. Ótinish, ýnıversıtet ortalyǵynyń mańdaıshasynda ilinip turǵan qyzyl tústi velosıpedti tabýǵa kómektesińizder» degen jazba paıda boldy.
Ǵımaratta buryn sport zaly bolǵan. 1944 jyly 12 jastaǵy Kassıýs Kleıdiń (Muhammed Álı) qurylystyń janynda qaldyrǵan velosıpedin urlap ketken. Ol ishke kirip, uryny urmaq bolady. Ǵımarat ishindegi polıtseı Djo Martın, «eger shynymen bireýdi urǵyń kelse, bokspen aınalys» degen. Sosyn jattyǵýǵa shaqyrdy. Birneshe aıdan keıin bolashaq chempıon alǵashqy jeńisine qol jetkizdi.
Muhammed Álı óz esimin 1964 jyly Islam dinin qabyldaǵannan keıin ózgertti. Kásibı mansabynda 61 aıqas ótkizip, 56-syn utty. 1999 jyly «Ǵasyr sportshysy» ataǵyn aldy. 2016 jyly qaıtys boldy.
