AQSh-ta MMA juldyzyn tutqyndady
ASTANA. QazAqparat - Aralas jekpe-jek sheberi shveıtsarııalyq Volkan Ozdemır AQSh-ta tutqyndaldy, dep habarlaıdy prosports.kz.
Jaqynda belgili bolǵandaı, UFC jartylaı aýyr salmaqtaǵy sportshy (93 keli) tegi túrik Volkan Ozdemır AQSh-ta aýyr dene jaraqatyn keltirgeni úshin aıyptalyp, tutqyndalǵan.
Ony Florıda shtatyndaǵy Fort-Loderdeıl qalasynda ustaǵan. Oqıǵanyń mán-jaıy ázirge beımálim. Tek Brovard okrýgindegi túrmege qamalǵany ǵana belgili. Volkan jartylaı aýyr salmaqta chempıon tıtýly úshin belbeý ıegeri Danıel Kormemen baq synaýy tıis bolǵan, biraq endi onyń UFC-te qalý-qalmaýy belgisiz bolyp otyr.
