AQSh-ta mıgranttar sany kúrt tómendedi

ASTANA. KAZINFORM — Pew Research Center esebine sáıkes, sońǵy onjyldyqta alǵash ret Amerıka Qurama Shtattarynda kelgenderden ketkender kóbirek boldy. 

Uıymnyń málimetinshe, AQSh-qa keletin mıgranttar sany sońǵy ret 1960 jyldary azaıǵan.

2024 jyldyń aıaǵynda AQSh-ta 53,3 mıllıon mıgrant turdy, bul el tarıhyndaǵy rekordtyq kórsetkish sanalady. Alaıda Donald Tramp prezıdent bolyp, mıgratsııalyq saıasatty qataıtqannan keıin jaǵdaı kúrt ózgerdi.

Alty aı ishinde mıgranttar sany shamamen 1,5 mıllıon adamǵa azaıdy: belgili bir bóligi elden óz erkimen ketti, basqalary deportatsııalandy.

The New York Times mıgranttar sanynyń mundaı eleýli azaıýy 1930-jyldardaǵy Uly depressııa kezinde ǵana baıqalǵanyn atap ótti.

Túrli derekterge sáıkes, 400 myńnan 1 mıllıonǵa deıin meksıkalyqtar men túbi meksıkalyq bolǵan amerıkalyqtar AQSh-ty tárk etken, olardyń kópshiligi repatrıatsııa baǵdarlamasy aıasynda qonys aýdarǵan.

Eske sala keteıik, AQSh elshiligi qazaqstandyqtarǵa vızanyń qoldanylý merzimi týraly túsinikteme berdi.