AQSh-ta «Mettıý» daýylynan 42 adam kóz jumǵan
ASTANA. QazAqparat - AQSh-ta «Mettıý» daýylynan kóz jumǵandar sany artýda, sońǵy málimetter boıynsha mert bolǵandar sany 42 adamǵa jetti, dep habarlaıdy sheteldik BAQ.
Soltústik Karolına shtatynyń gýbernatory jergilikti turǵyndardy qaýipsizdik sharalaryn saqtaýǵa shaqyrdy.
Qaza tapqandardyń basym bóligi - 22 adam Soltústik Karolına shtatynda, sondaı-aq Florıda, Djorjııa men Ońtústik Karolına shtattarynda kóz jumǵandar bar.
Aıta keteıik, «Mettıý» daýyly osyǵan deıin Gaıtı aralynda soqqan bolatyn, saldarynan myńnan asa adam mert bolǵan.
