AQSh-ta mereke kezinde segiz adam jaraqat aldy

VAShINGTON. QazAqparat – AQSh-tyń Florıda shtatyndaǵy Martın Lıýter Kıng kúnine arnalǵan is-shara kezinde atys bolyp, segiz adam jaraqat aldy, dep habarlaıdy QazAqparat menshikti tilshisi.

CNN málimetinshe, oqıǵa 16 qańtarda kúndiz Fort-Pırs qalasyndaǵy Ilýs Ellıs saıabaǵynda boldy. Onda myńnan astam adam, sonyń ishinde balalar júrgen.

Polıtsııanyń deregi boıynsha, demalýǵa kelgen eki top janjaldasyp qalyp, artynsha atys bolǵan. Oq atylǵan soń arada tóbeles bastalyp, kem degende tórt adam jaraqat alǵan.

Jalpy, zardap shekken segiz eresek adam aýrýhanaǵa jetkizildi, olardyń bireýi aýyr halde.

Saıabaqta jappaı haos boldy, adamdar ártúrli qurylymdar men mashınalardyń artyna tyǵylyp, kelgen polıtsııa atysqa qatysqandar men qurbandaryn anyqtaı almaǵan.

Quqyq qorǵaý organdarynyń aldyn ala baǵalaýy boıynsha birneshe adam oq atqan. Qazirgi ýaqytta tergeý júrgizilip, oqıǵa orny zerttelip jatyr, qylmys kýágerleri suralýda.

Martın Lıýter Kıng kúni afroamerıkalyqtardyń quqyqtaryn qorǵaýshyǵa arnalǵan federaldy mereke jáne AQSh-taǵy beıbitshilik pen teńdikti beıneleıtin memlekettik demalys kúni dep jarııalanǵan.

Foto: edition.cnn.com