AQSh-ta memlekettik qyzmetke irikteýde jasandy ıntellekti qoldanylmaq
ASTANA. KAZINFORM - AQSh-tyń federaldy úkimeti jaqyn arada memlekettik qyzmetke úmitkerlermen suhbattasý úshin jasandy ıntellektini (JI) qoldana bastaıdy.
CBS News málimetinshe, AQSh sheneýnikteri bul tehnologııa Tech Force bastamasy aıasynda synaqtan ótetinin habarlaǵan. Osy bastama segiz aı buryn iske qosylǵan jáne onyń maqsaty jeke tehnologııalyq sektor mamandaryn memlekettik organdarǵa eki jyldyq merzimge jumysqa tartýǵa arnalǵan.
Bul rette úmitkerlerdi irikteý úshin CodeSignal platformasy qoldanylmaq.
Osy tehnologııany testileýden ótkizý sheshimi AQSh-tyń Kadrlyq qyzmet jónindegi basqarmasynyń (OPM) jańa usynymdary aıasynda jasaldy. Sebebi federaldy deńgeıdegi jumysqa qabyldaý protsesi dástúrli túrde uzaqqa sozylatyn protsess bolǵandyqtan, atalǵan basqarma memlekettik mekemelerdi qyzmetkerlerdi irikteý kezinde jasandy ıntellektini keńinen qoldanýǵa shaqyrdy. Sonymen qatar, vedomstvo kadrlarǵa qatysty mańyzdy sheshimder qabyldaý kezinde adamdar tarapynan baqylaýdyń saqtalýy qajet ekenin erekshe atap ótti.
Aıta keteıik, jaqynda BUU Bas Assambleıasy Tájikstannyń bastamasymen 31 tamyzdy 2027 jyldan bastap Halyqaralyq qaýipsiz, qorǵalǵan jáne senimi aqtalǵan jasandy ıntellekt kúni dep jarııalaý týraly qarar qabyldady.
