AQSh-ta memlekettik qyzmetshi 12 adamdy atyp tastady
NUR-SULTAN. QazAqparat - Amerıka Qurama Shtattarynyń shyǵys jaǵalaýyndaǵy Vırdjınııa-Bıch shtatynda memlekettik qyzmetshi mýnıtsıpaldy keshende atys jasady. Sońǵy málimetterge súıensek, 12 adam qurban bolǵan, oq atqan adamnyń ózi de qaza tapty, dep habarlaıdy «QazAqparat» HAA VVS-ge silteme jasap.
Vırdjınııa-Bıch (Vashıngtonnan 355 km qashyqtyqta ornalasqan Vırdjınııa shtaty) shtatyndaǵy atys jaıly alǵashqy habarlama polıtsııaǵa jergilikti ýaqyt boıynsha shamamen 16:00-de kelip túsken. Shabýylshy qalalyq ákimshilik ǵımaratynyń jáne sot ǵımaratynyń janynda órt shyǵarǵan. Keshende qalanyń kommýnaldyq qyzmetteri ornalasqan.
Wall Street Journal basylymynyń málimetinshe, atys uıymdastyrǵan adam uzaq jyldar kommýnaldy qyzmetter salasynda jumys istep, qyzmetinen bosatylǵan.
Qalalyq polıtsııa basshysy Djım Servera qaladaǵy kommýnaldy qyzmet salasynda kópjyldyq tájirıbesi bar memlekettik qyzmetshi rıza bolmaǵandyqtan mýnıtsıpıaldy ǵımaratta atys uıymdastyrǵanyn aıtty.
Shabýylshy ózi jalǵyz áreket etken. Servera shabýylshynyń shamamen saǵat 16:00 kezinde ǵımaratqa kirip, birden oq jaýdyrǵanyn habarlady.
Shabýyl kezinde 12 adamnyń qaza bolǵany anyqtaldy. Memlekettik qyzmetshiniń ózi de polıtsııamen atys kezinde qaza tapqan.
